Takk for støtten!

Bourbon Dolphin Støttegruppen har gått ut til diverse lag og organisasjonar der vi har bedt om både moralsk og økonomisk støtte til støttegruppa sitt arbeid.

Med bakgrunn i at økonomisk støtte har begynt å kome inn, vil Bourbon Dolphin Støttegruppen på denne måten takke for støtta.

Lista på gjevarar vil bli oppdatert når det evnt. beløpet er registrert på konto, evnt. ein gang i veka.

Med bakgrunn i at privatpersonar har gitt uttrykk for at dei vil støtte oss økonomisk, i tillegg til den moralske støtte dei har gitt ved underskriftskampanjen, har Bourbon Dolphin Støttegruppen med fleirtals vedtak opna for dette.

Slik at gjevar skal få innsyn i korleis midlane vil bli nytta, vil Bourbon Dolphin Støttegruppen vil presisere følgjande:

• Midlane kan nyttast til å dekke advokatutgifter gruppa har i forbindelse med høringane.

• Midlane kan nyttast til utgifter knytta til arbeidet for å påvirke heving av Bourbon Dolphin, samt utgifter knytta til å auke fokuset på sikkerheita ved ankerhandtering, samt utgifter knytta til at granskinga av rednings-/bergingsaksjonen av Bourbon Dolphin og mannskapet vert ivaretatt.

• Midlane skal på ingen måte fordelast dei pårørande i form av økonomisk kompensasjon. Berre reelle utgifter kan dekkast, dersom økonomien tilseier dette.

• Bourbon Dolphin Støttegruppen er registrert i Brønnøysundregisteret, og rekneskapet er derfor offentlig tilgjengelig.

• Revisor vert oppnemnt dersom årsmøtet eller styret meiner dette er nødvendig, og-/eller eventuelle bidragsytere krev dette.

• Ved oppløysing av Bourbon Dolphin Støttegruppen, skal vedtektene leggast til grunn;

”Etter betaling av all gjeld skal midlar som støttegruppenettverket eig ved oppløysningen, tilbakeføres i tråd med det gjevar har bestemt. I mangel av slike retningslinjer kan støttegruppenettverkets midlar tilfalle passende legat eller liknande til fremme av de formål som støttegruppenettverket har arbeidet for, alternativt organisasjonar eller institusjonar som plikter seg til å anvende dei til disse formål. Disponeringa av overskuddsmidlar skal bestemmes av siste årsmøte med 2/3 fleirtal. Dersom ikkje noko forslag oppnår 2/3 fleirtal, skal det overlates til Fylkesmannen i Møre og Romsdal å avgjøre saka.”

Det er ikkje moms- og skatteplikt på pengene.

Kontonummer til Bourbon Dolphin Støttegruppen ved Nordea er 6550.06.17211, og pengene må merkes med ”Bourbon Dolphin Støttegruppen”.

Styret, Bourbon Dolphin Støttegruppen.